كانت تغسل الأطباق. بدت مستغرقة في عملها. اقتربت منها وربت على ظهرها. أجفلت قليلاً كأنها لم تكن تتوقع وجودي. ثم التفت إلي هنيهة ومنحتني ابتسامة عريضة… سألتها وأنا أرفع بضع خصلات انسدلت على وجهها
مدايقة شي؟ -
أنا؟ لااااااااا! ليش بدي إدايق؟ أبداً. أوعك تفكري هيك! لك آخر همي! متل إجري! عادي جداً. (تضحك ضحكة قصيرة) معقول إدايق من هيك شي؟ بالعكس هيك أحسن بكتييير! (تسكت لتلتقط أنفاسها) صدقيني، مالي مدايقة ولا شوي. إنو بشو بحلفلك حتى تصدقي؟ (تفرك بقعة الزيت العنيدة على الطبق) وحياتك، الشغلة كلها ما بقى تأثر فيني
.منيح -
.أكيد -
.طمنتيني -
!ولو -
.يعني مالك مدايقة -
.بلا هبل -
.فجأة، يتحطم الطبق بين يديها
. تنزف قطرات من الدم
. تصمت كلتانا
