فستان الأسرار

كنت عم فكر إذا بكرة لبست أحلى فساتيني… الفستان يلي بعشرين زرّ وزرّ. عشرين سرّ وسرّ.. إذا فضحت أسرار الخمسة يلي فوق، ووشوشتلك عن التلاتة يلي تحت… إذا تواعدت عشية إنت والأربعة يلي عالكمّين، وتخانقت مع الزر العنيد يلي عالظّهر.. إذا قلتلك إنو كلّ زراري قطفتهم من فوق شجرات عالية، وخيطتون بتلت غمزات، وبوسة، وغنيتين

إذا لبستلك بكرة فستاني الأحلى، قولتك رح تضيّعلي منون كم زرّ؟